76 - Ástarfaðir himinhæða

Ástarfaðir himinhæða,
heyr þú barna þinna kvak,
enn í dag og alla daga
í þinn náðarfaðm mig tak.

Náð þín sólin er mér eina,
orð þitt döggin himni frá,
er mig hressir, elur, nærir,
eins og foldar blómin smá.

Einn þú hefur allt í höndum,
öll þér kunn er þörfin mín,
ó, svo veit í alnægð þinni
einnig mér af ljósi þín.

Anda þinn lát æ mér stjórna,
auðsveipan gjör huga minn,
og á þinnar elsku vegum
inn mig leið í himin þinn.


Höfundur lags: J. F. Reichardt
Höfundur texta: Steingrímur Thorsteinsson