17 - Mikli Drottinn
Mikli Drottinn, dýrð sé þér,
dásemd þína' um aldaraðir
ásamt þínum englaher
allir lofa viljum glaðir,
falla þína fótskör á,
faðir, þína dýrð að sjá.
Lát þitt ríki lýsa vítt
löndin yfir frið að veita,
láttu fæðast lífið nýtt,
ljós þitt vorum hjörtum breyta,
láttu yfir lönd og höf
ljóma þína sigurgjöf.
Helgur andi, heiður þér
hver ein tunga' á jörðu færi.
Faðir, Guð, vér þökkum þér,
þér og Jesús, bróðir kæri.
Ástar þinnar eilíft ljós
oss sé blessun, vörn og hrós. Höfundur lags: Austurrískt lagHöfundur texta: Friðrik Friðriksson