125 - Gakk þú með í grasgarðinn
Gakk þú með í grasgarðinn,
gæt að Jesú ströngu þrautum,
leiðarvísir það sé þinn
þröngum lífs á harmabrautum.
Bið í auðmýkt eins og hann
allra meina græðarann.
Gakk þú með til Gabbata,
Guðs son dóm þar varð að líða.
Auðmýkt Jesú íhuga,
er þér heimsins dómar svíða.
Umber hógvær eins og hann,
aðkast heimsins, spott og bann.
Gakk þú með til Golgata,
Guðs son lít þar sjálfan deyja.
Andlát hans þér afmála,
er þú dauðans stríð skalt heyja.
Lær að andast eins og hann,
er í dauða sigur vann.
Gakk þá með til grafar hans,
gleymd er nótt, er rennur dagur.
Yfir legstað lausnarans
ljómar morgunroði fagur.
Guð vill aftur, eins og hann,
upp þig vekja dýrðlegan. Höfundur lags: J. P. E. HartmannHöfundur texta: Valdimar Briem