122 - Þú, Jesús, ert vegur
Þú, Jesús, ert vegur til himinsins heim,
í heimkynnið sælunnar þreyða.
Æ, lát oss ei villast frá veginum þeim
á veginn til glötunar breiða.
Þú, Jesús, ert sannleikur, lát oss fá lært
ei lyginnar röddum að hlýða,
en veit, að oss öllum sé indælt og kært
af alhug þitt sannleiksorð blíða.
Þú, Jesús, ert lífið, sem dauðann fær deytt,
lát dauðann úr sálunum víkja,
en lífið, sem eilífan unað fær veitt,
með almættiskrafti þar ríkja. Höfundur lags: J. P. E. HartmannHöfundur texta: Helgi Hálfdánarson